BEK aıasynda Básekelestikti damytýdyń biryńǵaı strategııasy ázirlenedi
ASTANA. 16 qyrkúıek. QazAqparat - Biryńǵaı ekonomıkalyq keńistik aıasynda Básekelestikti damytýdyń biryńǵaı strategııasy ázirlenetin bolady. Bul týraly búgin Parlament Májilisindegi Úkimet saǵatynda málim boldy.
QR Básekelestikti qorǵaý agenttiginiń tóraǵasy Bolatbek Qýandyqovtyń aıtýynsha, aǵymdaǵy jyly ótken Astana ekonomıkalyq forýmy barysynda monopolııaǵa qarsy tájirıbeni jáne jalpy básekelestik alańnyń tıimdi jumys isteýiniń ózekti máseleleri talqylanǵan bolatyn. Onda TMD elderi monopolııalarǵa qarsy vedomstvolardyń ózara qatynastaryn odan ári damytý qajettiligi týraly máseleler kóterilip, Básekelestik jónindegi úılestirý keńesin qurý jóninde usynystar qoldaý tapqan. «Aǵymdaǵy jyldyń shildesinde Máskeý qalasynda Úılestirý keńesiniń alǵashqy otyrysy ótti. Keńes jumysy sheńberinde BEK elderiniń Básekelestikti damytýdyń biryńǵaı strategııasyn ázirleý josparlanǵan edi. Ol taýar naryqtarynyń básekege qabilettiligin jaqsartý boıynsha memleket qabyldaıtyn sharalardyń tıimdiligin ulǵaıtýǵa yqpal etetin bolady», - deıdi B. Qýandyqov.
Onyń sózine qaraǵanda, EEK aıasynda taýar naryqtaryn taldaý boıynsha jumystardy jetildirý, tosqaýyldardy zańnamany úılestirý arqyly anyqtaý jáne joıý maqsatynda Básekelestik jónindegi ádistemelik keńes qurylady.
