BEK aıasynda aımaqtardyń jumysyn úılestirýdi tapsyramyn - Elbasy
ASTANA. 27 qańtar. QazAqparat /Arman Asqarov/ - Búgin Úkimettiń keńeıtilgen otyrysynda Prezıdent Nursultan Nazarbaev aımaqtardyń jumysyn Biryńǵaı ekonomıkalyq keńistik aıasynda úılestirýdi tapsyrdy.
Memleket basshysy atap kórsetkendeı, buǵan deıin oblystardyń ekonomıkalyq áleýeti men múmkindikteri tek respýblıka boıynsha ǵana zerdelense, endi bıyldan bastap aımaqtardyń jumysyn iske qosylǵan Biryńǵaı ekonomıkalyq keńistik aıasynda úılestirip alǵan jón. Osyǵan oraı Prezıdent Úkimet basshysynyń orynbasary Qaırat Kelimbetovke, Ekonomıkalyq damý jáne saýda mınıstri Baqytjan Saǵyntaevqa, sondaı-aq Ulttyq banktiń tóraǵasy Grıgorıı Marchenkoǵa tıisti tapsyrmalar berdi.
