BEK aıasynda aýyl sharýashylyǵyn memlekettik qoldaýdyń biryńǵaı qaǵıdalary engiziledi - zań jobasy
ASTANA. 8 maýsym. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Aýyl sharýashylyǵyn memlekettik qoldaýdyń biryńǵaı qaǵıdalary týraly kelisimdi tarıfıkatsııalaý týraly» zań jobasyn maquldady.
Atalǵan kelisimge 2010 jylǵy 9 jeltoqsanda Máskeý qalasynda qol qoıylǵan. Zań jobasynyń maqsaty aýyl sharýashylyǵy taýarlaryn óndirýshilerdi memlekettik qoldaýdy júzege asyrý qaǵıdalaryn belgileý bolyp tabylady. Sonymen qatar, kelisim Taraptar memleketteriniń Biryńǵaı ekonomıkalyq keńistiginiń aýmaǵynda jáne aýyl sharýashylyǵy taýarlaryna qatysty qoldanylady.
Keltirilgen málitetterge súıensek, qazirgi ýaqytta saýdaǵa burmalaýshy áseri bar, óndirilgen aýyl sharýashylyǵy óniminiń jalpy qunyndaǵy aýyl sharýashylyǵyn memlekettik qoldaý úlesi Belarýs elinde 18 paıyz, Reseıde - 6 paıyz, Qazaqstanda - 4 paıyzǵa jýyq bolyp otyr. Osyǵan oraı, Keden odaǵyna qatysýshy elderdegi agrarlyq sektorǵa kórsetiletin memlekettik qoldaý kólemderindegi osy kelispeýshilikterdi nazarǵa ala otyryp, Taraptar saýdaǵa burmalaýshy áseri bar memlekettik qoldaýdyń ruqsat etilgen deńgeıin óndirilgen ónimniń jalpy qunynyń 10 paıyzy mólsherinde barshasyna ortaq etip belgileýdi kózdep otyr. ıAǵnı, osy baǵytta biryńǵaı ustanym qalyptasatyn bolady. Bul rette Belarýs Respýblıkasy úshin 2016 jylǵa deıin ótpeli kezeń retinde belgilenedi. Osy kezeń ishinde atalǵan memleket ruqsat etilgen kólemdi tómendetýge mindetteledi.
Májilis maquldaǵan zań jobasy Parlament Senatyna jiberiledi.
