Bek Air ushaq bortyndaǵy janjaldyń kýágerlerin izdestirýde
ASTANA. QazAqparat - Bek Air áýe kompanııasy «Shymkent-Astana» reısin oryndaǵan ushaqtyń bortyndaǵy janjaldyń kýágerlerin izdestirip jatyr. Bul týraly áýe kompanııasynyń Instagramdaǵy paraqshasynan málim boldy, dep habarlaıdy QazAqparat.
«14 sáýirde áýe sapary kezinde eki jolaýshy ishimdikke masaıǵan kúıde birneshe ret ekıpaj múshelerine til tıgizip, keıinnen jolaýshylardyń biri aǵa jolserikke birneshe soqqy jasady», - delingen habarlamada.
Belgili bolǵandaı, bul fakti boıynsha qylmystyq is qozǵaldy. Qazirgi kezde bolǵan oqıǵanyń mán-jaıyn Astana áýejaıynda Jelilik ishki ister bólimi zerttep jatyr.
«Іs boıynsha aǵa jolserik pen atalǵan eki jolaýshy arasynda kózbe-kóz bettestirý júrgizildi. Alaıda budan basqa is-qımyldar atqarylǵan joq. Osyndaı betpe-bet júzdesý basqa jelseriktermen jáne ózge de jolaýshylarmen júrgizilmedi. Eger de atalǵan reıspen saparlaǵan adamdar oqıǵanyń faktileri týraly jaýap berýge daıyn bolsa, bizge habar berseńizder degen ótinish bar», - dep jazylǵan áýe kompanııasynyń paraqshasynda.
