Bek Air ushaq apaty: Tergeý amaldary jaqyn arada aıaqtalady

Іshki ister mınıstri Erjan Sadenov Bek Air ushaq apatyna qatysty is boıynsha túsinik berdi, dep habarlaıdy Kazinform. 

Búgin Májiliste ótken Úkimet saǵatynan keıin tilshiler mınıstrden Bek Air áýe apatyna qatysty istiń qaralý merzimi 2027 jyly aıaqtalatynyn jáne osy ýaqytqa deıin kinálilerdi jazaǵa tartý múmkindigi jaıynda surady.

«Qazir qylmystyq is boıynsha tergeý aıaqtalýǵa jaqyndady. Jaqyn arada ony aıaqtap, tapsyramyz. Atap aıtqanda, halyqaralyq baǵytta birqatar tehnıkalyq saraptama qamtylǵan edi», - dedi E. Sadenov.

Mınıstr tergeý amaldary aıaqtalatynyn jáne kináliler tıisti jazasyn alatynyn naqtylady.

Esterińizge sala keteıik, 2019 jyldyń 27- jeltoqsanyńda Bek Air áýe kompanııasynyń ushaǵy apatqa ushyrady. 

«Almaty-Astana» baǵytyndaǵy ushaq bıiktikti saqtaı almaı, beton qorshaýyn buzyp ótken. Artynsha eki qabatty turǵyn úıge soǵyldy, 12 adam mert boldy, 69 adam zardap shekti. Onyń 51-i aýrýhanaǵa tústi.