«Bek Air» sertıfıkat alý úshin memorgandarǵa qysym jasaǵan - Roman Sklıar
«Bek Air» osy jyldar ishinde lobbısterdiń qatysýymen túrli deńgeıde halyqaralyq áýe reısterin oryndaý úshin IOSA sertıfıkatyn alyp tastaýǵa tyrysty. Biraq, mundaı qysymǵa qaramastan mınıstrlik oǵan barǵan joq», - dedi ol Úkimet otyrysynan keıin BAQ ókilderine bergen suhbatynda.
Onyń atap ótýinshe, halyqaralyq tasymaldy júzege asyratyn barlyq qazaqstandyq kompanııa IOSA sertıfıkatyn alǵan.
«Іshki tasymalǵa da onyń talaptary qajet bolatyn. Alaıda, ózderińiz de bilesizder, 2016 jyly BAQ-ta úlken naýqan bolyp, keıbir jýrnalıster men depýtattar kompanııany qoldap shyqty. Múmkin olardiki de durys shyǵar. Іshki baǵdarlardyń qosymsha talaptarǵa saı bolýy kerek te emes shyǵar. Sol kezde ókiletti memlekettik organ - Indýstrııa mınıstrligi Azamattyq avıatsııa komıteti «IOSA talaptary ishki de, syrtqy da tasymalǵa qajet» delingen qaýly shyǵardy. Bul jerde belgili bir qaıta saqtandyrý elementteri, ıaǵnı, qosymsha talaptar bar», - dedi Roman Sklıar.
Vıtse-premerdiń aıtýynsha, avıatsııada qaýipsizdikti qoldaý úshin basy artyq qosymsha talaptar múldem bolmaıdy.
«Degenmen, Tabıǵı monopolııalardy retteý jáne básekelestikti qorǵaý komıteti bul kásipkerlerdiń quqyǵyn buzý degen uıǵarym shyǵaryp, mınıstrlik ishki reıster úshin bul talapty alyp tastady», - dep túsindirdi Roman Sklıar.
