Bek Air kompanııasy jolaýshylarynyń quqy osymen úshinshi ret sotta qaralyp jatyr

NUR-SULTAN. QazAqparat - Qazaqstan Respýblıkasy Saýda jəne ıntegratsııa mınıstrligi Tutynýshylardyń quqyqtaryn qorǵaý komıtetiniń qyzmetkerleri Bek Air kompanııasy əli kúnge deıin qarajatyn qaıtarmaı júrgen azamattardyń múddelerin qorǵaý jumystaryn jalǵastyrýda.

Bul týraly QazAqparat tilshisi QR Saýda jáne ıntegratsııa mınıstrliginiń Tutynýshylardyń quqyqtaryn qorǵaý komıtetiniń resmı saıtyna silteme jasap habarlaıdy.

Resmı saıttaǵy málimetterge qaraǵanda, qazirgi ýaqytta Almaty qalasy Túrksib aýdandyq soty Tutynýshylardyń quqyqtaryn qorǵaý komıtetiniń atynan 3 talap aryzdy qarap jatyr.

Talap aryzdarda Komıtet 30 mıllıon teńgeden astamǵa 845 bılet satyp alǵan 482
adamnyń múddesin qorǵaıdy. 2020 jyldyń 2 qazanynda sot otyrysy barysynda sot

jaýap berýshiden jazbasha dəleldemeler suraý, prokýrordy, «Qazaqstannyń avıatsııa əkimshiligi» AQ ýəkiletti uıymyn, bılet agentterin, sondaı-aq Komıtet
múddeleri bildiretin azamattardy sessııaǵa qatysý úshin tartý týraly Komıtettiń ótinishterin qarady.

«Bul ótinishter isti jan-jaqty jəne obektıvti qaraý úshin usynylady. Alaıda sot Komıtettiń ótinishin qabyldamady. Sonymen birge, bólim tutynýshylarǵa qarajatty qaıtarý úshin zańnamalyq sheńberde barlyq qajetti sharalardy qoldanýdy jalǵastyrady.
Kelesi sot otyrysy 2020 jylǵy 13 qazanda saǵat 15:00-de ótedi»,-delingen habarlamada.