Bek air bılet aqshasyn qaıtaratyn boldy
ALMATY. QazAqparat - Almaty qalasy Túrksib aýdandyq soty QR Saýda jáne ıntegratsııa mınıstirligi Tutynýshylardyń quqyqtaryn qorǵaý komıtetiniń «Bek Eır» AQ-ǵa degen tórtinshi talap aryzyn qanaǵattandyrdy. Onda 153 adamnyń múddesin qorǵaý úshin 9,3 mln teńge qarjyny qaıtarý kózdelgen, dep habarlaıdy QazAqparat tilshisi QR Saýda jáne ıntegratsııa mınıstrliginiń baspasóz qyzmetine sálteme jasap.
Komıtet qabyldaǵan sharalar nátıjesinde sot tártibimen 1678 adamnyń quqyqtary qorǵaldy. «Bek Eır» áýekompanııasy tutynýshylarǵa 103,3 mln teńge qaıtarýǵy tıis.
Komıtetke kún saıyn tutynýshylardyń shaǵymdary kelip túsýine baılanysty besinshi talap sotqa beriledi.
Tutynýshylardyń quqyqtaryn qorǵaý komıtetiniń «Bek Eır» AQ-ǵa alǵashqy eki talaby zańdy kúshine engenin eske salamyz. Zańnama talaptaryna sáıkes sot sheshimderin oryndaýǵa tek sot oryndaýshylaryna ǵana ýákilettik berilgen.
«Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasynyń Zańyna sáıkes atqarýshylyq is júrgizý, merzimdik jazalar týraly atqarýshylyq qujattardy qospaǵanda, sondaı-aq zańnamalyq aktilerde ózge de oryndaý merzimderi belgilengen jaǵdaılardy qospaǵanda, ol qozǵalǵan kúnnen bastap eki aıdan aspaıtyn merzimde aıaqtalýǵa tıis.
Sondyqtan tutynýshylar sot sheshimderin oryndaý boıynsha qajetti jáne ýaqtyly sharalar qabyldaıtyn sot oryndaýshylaryna júginýge quqyly.
Atqarý paraǵy berilgen sot oryndaýshysy týraly málimetterdi alý úshin tutynýshylar Almaty qalasynyń jeke sot oryndaýshylarynyń palatasyna júginýi qajet.
