Begnar Amanbaev Álem chempıondyǵyna talasýǵa múmkindik aldy
ALMATY. Aqpannyń 1-i. QazAqparat /Erlik Erjanuly/ - Begnar Amanbaev pankratıonnyń WAFC nusqasy boıynsha Almatyda ótken Álem chempıonatynyń kezeńdiń matchynda Álem chempıondyǵyna talasýǵa múmkindik aldy,
dep habarlaıdy QazAqparat.
Ol bul saıysta úndistandyq 19 jasar Anap Kýmardan basym tústi. 1984 jyly Almaty oblysy Raıymbek aýdany Qaqpaq aýylynda dúnıege kelgen Begnar buǵan deıin 24 kezdesý ótkizip, onyń 23-inde jeńiske jetken bolatyn. Djıý-djıtsýdan sport sheberi dárejesi bar ol sporttyń osy túri boıynsha Qazaqstannyń 2 dúrkin chempıony. Sońǵy jyldary "Beıbarys-Profil" kásipqoı sport klýbynda Saǵatbek Musahanovtan tálim alyp júrgen Begnar ótken jyly erejesiz jekpe-jekten TMD, Eýrazııa chempıony atanǵan edi. Endi Álem chempıony ataǵyna talasýǵa múmkindik alyp otyr.
