BEF memleketterdiń básekege qabilettiligi boıynsha jahandyq zertteýdiń jyl saıynǵy qorytyndylaryn shyǵardy

33-shi básekege qabilettilik ındeksinde Davostyń sarapshylary 144 el boıynsha  derekterdi taldady, ótken jylǵa qaraǵanda taǵy eki el qosylyp otyr.

QR Ekonomıkalyq damý jáne saýda mınıstri málimetinshe, reıtınginiń qorytyndylary boıynsha Qazaqstan ortasha 4.4.balmen 51 oryndy ıelendi, bul elimizdiń ustanymyn ótken jylmen salystyrǵanda 21 ustanymǵa jaqsartqanyn bildiredi (2011 jyly - 72 oryn). Bul rette Qazaqstan damý jolynda tıimdilik pen ınnovatsııalyq damý tárizdi faktorlar úlken ról atqaratyn anaǵurlym joǵarǵy damý deńgeıi bar elderdiń qataryna qosyldy. Bul topta Qazaqstannan ózge Reseı Federatsııasy, Bahreın, Brazılııa, Chılı, Vengrııa, Malaızııa, Polsha, Túrkııa, Estonııa jáne taǵy birqatar elder bar.

Qazaqstannyń ustanymdary barlyq faktorlar boıynsha jaqsardy: «Instıtýttar», «Makroekonomıka», «Joǵary bilim jáne kásibı daıyndyq», «Taýar naryǵynyń tıimdiligi», «Qarjy naryǵynyń damýy», «Tehnologııalyq daıyndyq deńgeıi», «Bıznestiń damýy», «Innovatsııalar». Qazaqstannyń memlekettik boryshy tómen deńgeıli makroekonomıkalyq turaqtylyq faktory boıynsha ustanymdary sol qalpynsha myqty. 

Burynǵy KSRO elderi ishinde Qazaqstan óz aldyna Estonııa (34 oryn), Lıtva (45 oryn) jáne Ázerbaıjandy (46 oryn) salyp, tórtinshi orynda tur. Keńestik dáýirden keıingi keńistiktiń qalǵan memleketteri tómen orynda ornalasqan: Reseı Federatsııasy 67 orynda, Ýkraına - 73 orynda, Grýzııa - 77 orynda, Armenııa - 82 orynda, Moldova - 87 orynda, Tájikstan - 100 orynda jáne Qyrǵyzstan - 127 orynda. BEF reıtınginde Belarýs jáne Ózbekstan joq.

Bıylǵy jyly reıtıngtiń kósh basynda taǵy da Shveıtsarııa tur. Odan keıingi oryndarda Sıngapýr, Fınlıandııa jáne Shvetsııa ornalasqan.