Beeline jáne Huawei: Almatyda mobıldi baılanysty jedeldetken seriktestik — jyldamdyq 40%-dan astam ósti
ASTANA. KAZINFORM – Qazaqstandaǵy 11,6 mıllıonnan astam abonenti bar jetekshi operatorlardyń biri Beeline Qazaqstan Almaty qalasyndaǵy mobıldi jeli sapasyn arttyrý baǵytynda aıtarlyqtaı jetistikke qol jetkizdi. Huawei kompanııasymen strategııalyq seriktestiktiń arqasynda operator paıdalanýshy tájirıbesi men derekterdi berý jyldamdyǵy boıynsha rekordtyq kórsetkishterge jetti.
Táýelsiz zertteýlerdiń derekteri boıynsha, 2025 jyldyń mamyr aıyna qaraı Beeline-nyń Almatydaǵy mobıldi ınternetiniń ortasha jyldamdyǵy sáýir aıymen salystyrǵanda 11%-ǵa, al 2024 jylǵy aqpanmen salystyrǵanda 40%-dan astamǵa artqan. Jalpy, 2025 jyldyń birinshi jartyjyldyǵynda jyldyq ósim 18,2%-dy qurady.
— Bul nátıjeler — jelini tehnologııalyq túrlendirý baǵytynda atqarylǵan maqsatty jumystarymyzdyń tikeleı jemisi, — dep atap ótti Beeline ókilderi. — Huawei kompanııasymen seriktestik bizge Qazaqstandaǵy mobıldi baılanystyń sapasyn jaqsartýǵa kómektesip jatyr.
Ónimdiliktegi bul serpilis aýqymdy ınjenerlik bastamalardyń nátıjesi bolyp otyr:
· Infraqurylymdy jappaı jańǵyrtý: 300-den astam bazalyq stantsııa Massive MIMO sheshimderiniń kómegimen jańartylyp, bul ótkizý qabileti men qamtý senimdiligin aıtarlyqtaı arttyrdy.
· Jelini kóp satyly ońtaılandyrý: 20-dan astam ınjener eń kóp júktemeli aımaqtarda jelini josparlaýdyń stsenarıılik tásilin jáne jasandy ıntellektti paıdalana otyryp, 10-nan astam ret kúıge keltirý jumystaryn júrgizdi.
Tehnıkalyq ilgerileý paıdalanýshylardyń kúndelikti ómirinde aıqyn seziledi. YouTube, TikTok jáne Instagram platformalaryndaǵy beınemazmundar kidirissiz ári joǵary sapada oınatylady, messendjerler men veb-servıster turaqty jumys isteıdi, al mobıldi oıyn súıer qaýym tipti básekelik oıyndarda da baılanystyń jyldamdyǵy men kidirissizdigine joǵary baǵa berip otyr.
— Beeline kompanııasymen birlesip Qazaqstannyń tsıfrlyq ınfraqurylymyn damytýǵa úles qosyp jatqanymyzǵa qýanyshtymyz. Massive MIMO sekildi ozyq tehnologııalar men jelini ıntellektýaldy ońtaılandyrý tipti eń júktemeli aımaqtardyń ózinde de paıdalanýshylarǵa turaqty ári jyldam baılanysty qamtamasyz etýge múmkindik beredi, — dep atap ótti Huawei Technologies Kazakhstan kompanııasynyń bas dırektory Sýn ıAsıýı myrza.
Bul seriktestik — zamanaýı tehnologııalardyń mıllıondaǵan adamnyń kúndelikti ómirin jaqsarta alatynynyń jarqyn úlgisi.
Beeline Qazaqstan úshin mobıldi shoǵyrlanǵan keńjolaqty jelini (MShPD) jetildirý jáne abonentter bar barlyq jerde turaqty LTE qamtylýyn qamtamasyz etý – basty basymdyqtardyń biri. Huawei kompanııasymen seriktestik tereńdeı túsýde, aldaǵy josparlarda elimizdiń barlyq óńirinde paıdalanýshy tájirıbesin odan ári jetildirý men jelini jańǵyrtý kózdelip otyr.