Beeline jańa áleýmettik jelilerdi SMS - habarlama júıesine qosady
ASTANA. 28 naýryz. QazAqparat - «KaR-Tel» (Beeline SB) SMS- habarlama qyzmetin iske qosqandyǵyn, sonymen qatar Facebook jelisine SMS-habarlamasy arqyly málimet jiberý múmkindigi jaıly habarlaıdy.
Bul týraly «Kar-Tel» JShS-niń Qoǵammen baılanys jónindegi qyzmeti málim etti.
Atalmysh qyzmetti qosý úshin Facebook jelisindegi jeke bet paraǵyna kirip, «Kúıge keltirý (Nastroıka)» bólimindegi «Mobıldi nusqa» bóligin tańdap, ári qaraı nuqsaýlyq boıynsha jasaý qajet. Beeline tutynýshysy tirkelgennen keıin paıdalanýshylardy tańdaý múmkindigi bolady, sondaı-aq SMS-habarlamasy ózińiz kórsetken telefonǵa kelip túsedi jáne SMS-tiń kelip túsý ýaqyty da retteledi.
«Áleýmettik jeliler kún saıyn tanymaldylyq alyp kele jatyr. Bizdiń maqsatymyz da tutynýshylarymyzdyń áleýmettik jelilerde bizdiń túrli qyzmetterimizdi paıdalana alýyna múmkindik jasaý úshin SMS-habarlamasynan bastap keń kólemdi ǵalamtorǵa deıin qyzmetterdi túrlendirý bolyp tabylady. Beeline abonentterine búginde «Meniń álemim» jelisinen tegin habarlamalarǵa qol jetti. Kóp uzamaı bul qyzmet Twitter mıkroblogynda da qol jetimdi bolady», - dep atap ótti óz sózinde «KaR-Tel» JShS qoǵammen baılanys jónindegi qyzmet jetekshisi ıÝrıı Dorohov.
Atalmysh qyzmet tek Beeline abonentterine ǵana qoljetimdi. Facebook-tan SMS-eskertpesi tegin bolady. Keri jaýap qaıyrý SMS-habarlamasy QQS qosa eseptegende 7 teńge.
