Beeline «Vırtýaldy assıstent» onlaın-konsýltatsııalyq qyzmetin iske qosty
Bul týraly kompanııanyń baspasóz qyzmetinen habarlady.
«Dana» atalatyn vırtýaldy kómekshi qoldanystaǵy qyzmet kórsetý túrlerin keńeıtip, Beeline abonentterge ınterneti bar álemniń kez kelgen núktesinen kez kelgen ýaqytta lezde keńes alýǵa múmkindik beredi.
«Klıentterge qyzmet kórsetý túrlerin keńeıtý, sondaı-aq olardyń óz-ózine qyzmet kórsetýine qol jetkizý - bizdiń servıstik strategııamyzdyń negizgi basymdyqtarynyń biri. Árbir klıentimizdiń ózine yńǵaıly ýaqytta qajetti qoldaý taba alýy nemese keńeske qolaıly túrde qol jetkize alýy - basty maqsatymyz. «Dana» atty kómekshi barynsha paıdaly bolý úshin biz saıtty paıdalanýshylardyń suraýlaryn kúndelikti zerttep, jaýaptardy jetildire túspekpiz», - deıdi kompanııanyń klıentterge qyzmet kórsetý boıynsha dırektsııasynyń dırektory Vıtalıı Indın.
Onyń aıtýynsha, jańa qyzmet búgingi kúnniń ózinde telefon qońyraýlary, áleýmettik jelilerge jáne onlaın-chatqa kelip túsken saýaldarǵa jaýap berip, operatorlarǵa kómektesýde. Onda vırtýaldy kómekshiniń negizgi mindetteri: saıt qyzmetteri boıynsha navıgatsııa, kompanııa jáne onyń ónimderi, qyzmetterge qosylý sharttary, tarıfteý jáne tólem týraly jıi qoıylatyn suraqtarǵa jaýap berip, oryn alǵan tehnıkalyq qıyndyqtardy sheshý, sondaı-aq arnaıy usynystar týraly habardar etý.
