Beeline roýmıng qyzmetiniń baǵalaryn tómendetýde
ALMATY. 19 qańtar. QazAqparat /Názıra Eleýhan/ - Beeline roýmıngte qońyraý jasaýǵa tarıfterin tómendetýde.
Atalmysh kompanııanyń baspasóz qyzmetiniń habarlaýynsha, 11 qańtardan bastap «Beeline elderi» tarıftik aımaǵynda Beeline jelisinde tirkelgen kezde Reseı, Qyrǵyzstan, Ózbekstan, Ýkraına, Armenııa, Grýzııa, Tájikstan elderinde GPRS-trafıktiń quny 6 ese tómendetiledi. Atap aıtqanda, «TMD» tarıftik aımaǵynda bolǵan kezde Qazaqstanǵa shyǵatyn qońyraýlar quny edáýir arzandatylady. GPRS-trafıktiń quny burynǵy 14 teńgeniń ornyna QQS qosa alǵanda 2,21 teńgeni quraıtyn bolady. Sonymen qatar, «TMD» tarıftik aımaǵynda bolǵanda Qazaqstan baǵytyndaǵy sóılesýdiń shyǵys qońyraýlary mınýty QQS qosa alǵanda 200-den 147 teńgege deıin tómendetilmek.
«Kompanııamyzdyń jańa usynylymy shetelde bolǵan qazaqstandyqtardyń uıaly telefonmen tildesýin qolaıly da jeńil ete túsedi. Kórshiles eldermen iskerlik qatynastar qarqynyn kúsheıtedi, qazaqstandyqtar shetelge issaparlarǵa jıi baryp turady, sáıkesinshe roýmıngte qońyraýlar sany kóbeıedi. Beeline-nyń jańa usynylymy bizdiń kompanııanyń qarapaıym abonentteri men shaǵyn jáne orta bıznes ókilderi úshin kezekti jeńildigi» - deıdi «KaR-Tel» JShS-nyń Bas dırektory Anatolıı Popov.
Onyń aıtýynsha, qazirgi kezde roýmıngtegi jeke tulǵalar úshin «Qońyraýlar kútem» aktsııasyn jalǵastyrý týraly sheshim qabyldanǵan jáne «Qońyraýlardy kútem» aktsııasy Beeline roýmıngimen qamtylatyn barlyq 160 astam elde jáne de barlyq tarıftik josparlarda qosylýy múmkin. "Aktsııa sharttary boıynsha abonentter roýmıngte kiris qońyraýlardy (Beeline roýmıngimen qamtylǵan elderde) sóılesýdiń birinshi mınýtynan keıin QQS qosa alǵanda 25 teńge tómendetilgen baǵamen qabyldaýǵa qol jetkizedi. Aktsııa sharttary jóninde tolyǵyraq www.beeline.kz saıtynan bilýge bolady",-dedi ol.
