Beeline «Mobıldi qurylǵylarǵa arnalǵan eń jaqsy saıt» atalymynyń jeńimpazyn anyqtady
ALMATY. 16 qarasha. QazAqparat /Erlik Erjanuly/ - Almatyda 17 qarasha kúni Qaznettiń eń jaqsy saıttaryn marapattaý rásimi bolady. Award.kz ulttyq ınternet-syılyǵyna bıylǵy jyly búkil Qazaqstannan 970 tapsyrys qabyldandy. Olardyń kópshiligi Almaty men Oral qalalarynan kelip tústi.
«Qazaqstandyq ınternettiń qalyptasýynda provaıder ǵana bolyp qatyspaıtynymyzǵa qýanyshtymyz. Award.kz syılyǵyna qatysý bizge Qaznettiń kontentteriniń sapasyn, dızaınyn jáne ınternet-resýrstardyń tehnıkalyq toltyrylýyn baǵalaýǵa múmkindik beredi», - deıdi 2Day Telecom-nyń bas dırektory Vıktor Grıban. Onyń aıtýynsha, Beeline-nyń konkýrstyq komıssııasy bul saltanatty sharanyń tarıhynda birinshi ret «Mobıldi qurylǵylarǵa arnalǵan eń jaqsy saıt» atalymynyń jeńimpazyn anyqtaıdy.
