Beeline Astana men Almaty qalalarynda baılanystyń 4G jelileriniń kórsetý beldeýlerin ornatady
ALMATY. Qazannyń 27-si. QazAqparat /Erlik Erjanuly/ - Búgin Almaty Beeline saýda belgisimen jumys jasaıtyn «KaR-Tel» JShS Aqparattandyrý jáne baılanys agenttiginen LTE tehnologııasy boıynsha 4G (tórtinshi urpaq baılanysy) standartty baılanysynyń kórsetý beldeýlerin jasaýǵa ruqsat alǵandyǵy týraly málimdeme taratty,
dep habarlaıdy QazAqparat.
«Qazaqstandaǵy LTE standarty negizinde qyzmet jasaýǵa alǵan bul ruqsat búkil «VympelKom» kompanııalar toby úshin eleýli oqıǵa. Tórtinshi urpaqtyń baılanys kórsetý beldeýlerin jasaý Beeline brendi usynylǵan barlyq elderdiń aýmaǵynda 4G negizinde qyzmet kórsetýge jol ashatyn alǵyshart bolmaq. Biz qazir osy máseleniń Reseıde de tez sheshilýin kútýdemiz», deıdi VympelKom» kompanııalar tobynyń Bas dırektory Aleksandr Torbahov.
LTE (Long Term Evolution) tehnologııasy - «tórtinshi urpaq baılanysy» (4G) sanatyna jatatyn derekterdi tasymaldaýdyń mobıldi hattamasynyń ataýy. LTE standart negizinde teorııa júzinde kóshirý jyldamdyǵy (download) sekýndyna 326,4 Mbıt, al engizý (upload) cekýndyna 172,8 Mbıt quraıdy.
«KarTel» JShS uıaly baılanystyń GSM 900/1800 standartynda, fıksatsııalyq telefon, Internetke joǵary jyldamdyqty qosylý jáne FTTB ótkizý tehnologııasy boıynsha málimetterdi berý qyzmetterin kórsetedi. Ol 2008 jyly Beeline saýda belgisimen Qazaqstan aýmaǵynda eń alǵashqy bolyp GSM 1800 standartynda uıaly baılanys qyzmetin kórsetýge ruqsat alǵan bolatyn.
