Beeline ashyq aspan astyndaǵy kınoteatrǵa shaqyrady
ALMATY. Tamyzdyń 9-y. QazAqparat /Ádilet Musahaev/ - Búgin «KaR-Tel» JShS Almaly aýdanyny ákimdiginiń apparaty jáne «Qazaqfılm» AQ-nyń qoldaýymen qala turǵyndary úshin Beeline «Kóshe kınoteatry» jobasyn iske qosty.
«KaR-Tel» JShS-niń Qoǵammen baılanys qyzmetiniń jetekshisi Pavel Rodınniń aıtýynsha, «Kóshe kınoteatry» tek ashyq keńistikte fılmderdi kórsetýmen ǵana emes, jastarymyzdy otandyq kınonyń altyn qorymen tanystyrýdy da kózdep otyr. «Tamyz boıy Beeline kınofılmder serııasyn kórsetedi. Kórermender 1955-2008 jyldar aralyǵynda túsirilgen týyndylarmen tanysa alady», deıdi P.Rodın.
Qyrkúıektiń 19-na deıin árbir juma men senbi kúnderi almatylyqtar otandyq týyndylardy tamashalaýmen qatar, Beeline-niń qundy syılyqtar utystaryna qatysa alady. Sonymen qatar, apta saıyn kórermender beıresmı jaǵdaıda belgili otandyq akterlermen, rejısserlermen jáne otandyq kınonyń damýyna úles qosyp júrgen tulǵalarmen júzdesý múmkindigine ıe bolady.
Jurtshylyqqa keńinen tanymal eski jáne jańa kınotýyndylardy tegin kórýge múmkindik jasalǵan. Kórsetilimder demalys kúnderi saǵat 21.00-de bastalady.
