Beeline abonentteri 8 naýryz kúni 12 mln.-nan astam hat jiberip, 60 mln. qońyraý shaldy
ALMATY. 12 naýryz. QazAqparat - 8 naýryz kúni Beeline abonentteri jibergen SMS jáne MMS habarlamalary kúndelikti ortasha kórsetkishterden 4 esege asyp tústi.
Al qońyraýlar sany 1 qańtardaǵy túnnen 20 paıyzǵa artyq boldy.
«Qorshaǵan ortany qorǵaýǵa baǵyttalǵan is-sharalar men ekologııalyq jobalar Beeline-nyń áleýmettik saıasatynyń negizgi baǵyttarynyń biri bolyp tabylady. Mobıldi baılanystyń múmkindikterin paıdalaný bizdiń abonentterimizge tabıǵatty qorǵaýǵa aıtarlyqtaı úles qosýǵa múmkindik beretinine qýanyshtymyz. Eger quttyqtaý sózderi bar árbir SMS jáne MMS habarlama 1 quttyqtaý ashyqhatynyń ornyn aýystyrady dep eseptesek, onda Beeline abonentteri osy kúni 120 tonnadan astam qaǵazdy únemdedi. Demek - 6 myńnan astam aǵashty qutqardy», - deıdi Beeline-nyń PR-menedjeri Anar Jumaǵulova.
