Bedeý otbasylardyń 50 paıyzy erlerdiń densaýlyǵyna baılanysty bolyp otyr

Onyń aıtýynsha, erler áıel­derge qaraǵanda dárigerler­ge úsh ese az kórinetindikten, olar­dyń arasynda aýrýdy erte kezeńinde anyqtaý kórsetkishi tómen bolyp otyr. Sonyń saldarynan kóptegen erkekter bedeýlikke shaldyǵyp jatady. 

«Álemde eshbir memlekette erler áıelderden kóp ómir súrmeıdi. Mysaly Reseıde erler áıelderge qaraǵanda, ortasha eseppen 13 jylǵa kem ǵumyr keshedi, Qazaqstanda bul kórsetkish 12 jyl. Ortasha alǵanda erler 57-60 jyl ómir súredi. Demografııalyq jaǵdaıǵa baılanysty memleket balalardyń kóp týylýyn qalaıdy, ol úshin áıelderdiń densaýlyǵyna qamqorlyq jasap, olardyń aldyndaǵy túrli medıtsınalyq máselelerdi sheship tastaǵan. Biraq erkekterdiń densaýlyǵyn kim oılaıdy?! Nárestelerdiń sany qalaı óspek, eger bedeý otbasylardyń 50 paıyzy erlerdiń kesirinen bolsa?! Áıelderge qalaı kóńil bólinse, erlerge de sondaı kóńil bólinýi tıis», - deıdi A.Kamalov.         

Sonymen qatar, Reseı professorynyń atap ótkenindeı, erler jú­rek­tiń ıshemııalyq aýrýyna áıel­derge qaraǵanda úsh ese jıi, al qant dıabetine alty ese jıi shal­dyǵady eken. Sońǵy bes jylda jynys bezi obyrynan qaıtys bolý sút bezi obyrynan qaıtys bolýǵa qaraǵanda, eki ese ósken. Bunyń barlyǵy tek ýrologtardyń máselesi emes, tutas medıtsınanyń aldynda turǵan ózekti túıtkil bolyp otyr.