Bedeldi «QS» reıtıngine Qazaqstannyń 8 joǵary oqý orny kirdi - Bilim jáne ǵylym mınıstri

ASTANA. 5 naýryz. QazAqparat - Bedeldi «QS» reıtıngine Qazaqstannyń 8 joǵary oqý orny kirdi. Bul týraly búgin «Nur Otan» HDP-nyń saılaýaldy tuǵyrnamasynyń oryndalý máselesine arnalǵan Úkimettiń selektorlyq rejimdegi otyrysynda Bilim jáne ǵylym mınıstri Baqytjan Jumaǵulov málim etti.

«Joǵary bilim salasy boıynsha aýqymdy jumystar jasalýda. Bedeldi «QS» reıtıngine bizdiń 8 joǵary oqý orny kirdi», - dedi mınıstr.

Sonymen qatar B.Jumaǵulovtyń atap ótýinshe, bazalyq 18 joǵary oqý ornynda jáne ınnovatsııalyq baǵyttaǵy ýnıversıtetterde Nazarbaev Ýnıversıtetiniń tájirıbesin taratý jumystary júrgizilýde. «Memlekettik bilim berý jınaqtaý júıesi týraly» Zań qabyldandy. Ol bıyldan bastap tájirıbege engiziletin bolady.

«Ǵylym salasynda qarjylandyrý barynsha ósti. Kadrlyq qamtamasyz etýde úlken ózgerister boldy. Ǵylymǵa jastar bet bura bastady», - dedi ol.