«Beautymania» kúzetshisi 2 mln. teńgeniń ıis sýyn urlaǵan
ASTANA. QazAqparat - «Beautymania» kúzetshisi parfıýmerııa urlap, 2 mıllıon teńge shyǵyn keltirdi, dep habarlady «QazAqparat» HAA Astana qalasy sotynyń baspasóz qyzmetine silteme jasap.
«Beautymania» dúkeninde uzaq ýaqyt kúzetshi bolyp qyzmet etken er adam 2 051 504 teńgelik parfıýmerııa ónimin jasyryn túrde urlaǵan.
Sotta ol kinásin tolyqtaı moıyndap, istegen isine ókindi. Keltirilgen shyǵynnyń ornyn toltyrdy.
Esil aýdandyq sotynyń úkimimen er adam QK 188-baby 3-bólimi boıynsha sottaldy. QR Zańynyń «QR Táýelsizdiginiń 25 jyldyǵyna baılanysty raqymshylyq týraly» zańynyń erejeleri eskerilip, oǵan shartty túrde 1 jyl 9 aı kóleminde jaza taǵaıyndaldy.
Úkim zańdy kúshine engen joq.
