Horvatııada túrik ushaǵy apatqa ushyrap, ushqysh qaza tapty

ASTANA. KAZINFORM — Túrkııanyń órt sóndirý ushaǵy Horvatııanyń batysyndaǵy Krıvı Pýt aýylynda apatqa ushyrady. Borttaǵy jalǵyz adam — ushqysh qaza tapty, dep habarlaıdy Sınhýa.

Horvatııalyq teleradıokeshenniń habarlaýynsha, ushaq jergilikti ýaqyt boıynsha 17:00 shamasynda qulaǵan. Qutqarýshylar oqıǵa ornyna bir saǵattan keıin jetken kezde ushaq jalynǵa orandy. Olar órtti sóndirgennen keıin ushqyshtyń kúıip qalǵan denesin tapty.

Ushaq eldiń batysyndaǵy Rıeka qalasynan Zagrebtegi aeronavıgatsııa tehnıkalyq ortalyǵyna ushyp, keıin Rıekaǵa qaıtyp kele jatqan.

Ushýdy baqylaıtyn Flightradar saıtynyń habarlaýynsha, ushaq Túrkııanyń Orman sharýashylyǵy basqarmasyna tıesili. Ázirge Horvatııanyń áýe keńistiginde túrik ushaǵynyń ushý sebebi týraly naqty aqparat joq.

Osyǵan deıin Túrkııanyń Qorǵanys mınıstrligi Grýzııadaǵy ushaq apatynan 20 áskerı qyzmetshiniń qaza tapqanyn rastaǵan bolatyn.