BBC qyzmetkerlerin sońǵy 15 jyldaǵy eń úlken qysqartýǵa daıyndap jatyr

BBC bas dırektorynyń mindetin atqarýshy Talfan Devıstiń aıtýynsha, bul ınflıatsııa, jahandyq ekonomıkalyq turaqsyzdyq jáne lıtsenzııalyq alym men kommertsııalyq qyzmetten túsetin kiristiń tómendeýine baılanysty boldy. 

Devıs qysqartý saldarynan bútin arnalar nemese qyzmetterdi jabýǵa týra keletinin joqqa shyǵarmady. 

Osylaısha, uıym aldaǵy eki jylda operatsııalyq shyǵyndaryn 500 mln fýnt sterlıngke (575 mln eýro) qysqartpaq.

Bul teleradıo habar taratýshy kompanııada sońǵy 15 jyldaǵy eń iri qysqartý kezeńi bolady.
Qazirgi ýaqytta BBC-de shamamen 21 500 turaqty qyzmetker jumys isteıdi.

BBC Dúnıejúzilik qyzmeti ishinara úkimettik granttar esebinen qarjylandyrylyp otyr.

Teleradıo habar taratý korporatsııasy sondaı-aq kommertsııalyq qyzmet júrgizip keledi. 

Korporatsııanyń Ulybrıtanııa aýmaǵyndaǵy qyzmeti negizinen teledıdar lıtsenzııasy úshin aqy tóleıtin Ulybrıtanııa turǵyndary esebinen qarjylandyrylady. Bul teledıdar nemese sandyq sıgnal qabyldaǵyshy bar jáne teledıdar nemese kez kelgen BBC baǵdarlamalaryn tikeleı efırden kóretin kez kelgen adam úshin mindetti.

Qarjylyq qıyndyqtar teledıdar lıtsenzııasy aqysyn tóleıtinder sanynyń azaıýymen de baılanysty: tehnologııa damyǵan saıyn brıtandyq úılerde teledıdarlar sany azaıyp barady.

Naýryz aıynda BBC Ulybrıtanııa turǵyndary tóleıtin teledıdar lıtsenzııasy aqysynan túsetin kiris 2017 jyldan beri 24%-ǵa tómendegenin habarlady.

Qazir korporatsııa úkimetpen óziniń bolashaǵy, sondaı-aq 2027 jyldyń sońynda Koroldik hartııany uzartý aldynda lıtsenzııalyq alymnyń taǵdyry týraly kelissóz júrgizip jatyr. 

Aýqymdy ózgeristerdi engizý týraly sheshim BBC-diń jańa bas dırektory, Google-diń burynǵy top-menedjeri Mett Brıttınniń kelýinen sál buryn qabyldandy. 18 mamyrda ol jaqynda qyzmetinen ketken Tım Devıdi resmı túrde almastyrady.

Eske salsaq, ótken jyldyń sońynda Donald Tramp VVS-ge qarsy 5 mlrd dollar talap etip, sotqa júgindi.