Bazarlardy qalanyń birneshe jerinde salamyz - Astana ákimi
ASTANA. QazAqparat - Búginde elordada bazarlardyń barlyǵy bir aýdanda ornalasqan. Sonyń saldarynan Sáken Seıfýllın men Shoqan Ýálıxanov sııaqty kóshelerde kólik keptelisteri jıi bolady. Qala basshysy Áset Isekeshev bazarlardy birneshe jerde ashý arqyly ol máseleni sheshýdi kózdeıdi, dep xabarlaıdy QazAqparat tilshisi.
"3 qazanda biz bıznesmendermen kezdesemiz. Jer ýchaskelerin de daıyndap qoıdyq. Endi, bazarlardy qalanyń birneshe jerinde salýdy pysyqtaımyz. Sebebi qazir barlyq bazarlar bir jerde ornalasqan. Senbi-jeksenbi, tipti jumys kúnderi bári sol jaqqa aǵylady. Kólik keptelisi de kóp", - dedi Isekeshev búgin qalalyq kólik keshenin damytý máselerine arnalǵan partııalyq tyńdaýda.
Aıta keteıik, otyrys barysynda kólik keptelisteri jıi bolatyn Sáken Seıfýllın men Shoqan Ýálıxanov kóshelerinde "Bus Lane" jolaqtaryn belgili bir ýaqytta engizý de usyndy.
"Sóz joq, jeke kólikpen júretinderge qıyndaý bolady. Alaıda avtobýspen qatynaıtyn xalyqqa yńǵaıly - qysta aıaldamada kóp turmaıdy, arnaıy jolaqpen qoǵamdyq kólikter tez júredi. Ázirshe, naqty sheshim joq. Ol jaqtaǵy kósheler de tar", - dep atap kórsetti Áset Órentaıuly.
