Bazarlardy jańǵyrtý: saýda nysandarynyń ıeleri óz qarajaty esebinen jańartady

ASTANA. KAZINFORM — QR Saýda jáne ıntegratsııa mınıstrligi bıyl elimizde 100 bazardy jańǵyrtý jumystaryna túsinik berdi.

— Bazarlardy jańǵyrtý — bul birinshi kezekte bıznestiń áleýmettik jaýapkershiligi. Tek satyp alýshylar úshin ǵana emes, satýshylar úshin de qolaıly jáne qaýipsiz jaǵdaılar jasalýy tıis. Bazarlardyń syrtqy kelbeti qalanyń sáýlettik kelbetimen baılanystyrylýy tıis. Jańǵartý jumystary bazar ıeleriniń óz qarajaty arqyly júrgiziledi, — delingen mınıstrliktiń Kazinform agenttigine bergen jaýabynda. 

Buǵan deıin Qazaqstanda bazarlardy jańǵyrtý jumysy bastalatynyn jazǵan edik. 

Osy jumystar jergilikti ákimdiktermen, Memlekettik kirister komıteti, tótenshe jaǵdaılar qyzmeti, Memlekettik sáýlet-qurylys baqylaý basqarmasy jáne sanepıdemıologııalyq qyzmet ókilderimen birlesip atqarylady.