Bazarlarda saýda jasaıtyn tulǵalar salyq salýdyń jańa rejimine kóshedi - B.Jámishev
ASTANA. 8 mamyr. QazAqparat - Qarjy mınıstrligi bazarlarda saýda jasaıtyn tulǵalarǵa 1 shildege deıin arnaıy salyq rejiminiń birin tańdaýdy usynady.
Bul týraly búgin Úkimettiń selektorlyq rejimdegi otyrysynda QR Qarjy mınıstri Bolat Jámishev málim etti.
Atalǵan rejimder kózdelgen zańnama keler jyldan bastap qoldanysqa engiziletindigin aıtqan mınıstrdiń sózine qaraǵanda, bazarlarda saýda jasaıtyn barlyq tulǵalar salyq salýdyń basqa rejimine kóshetin bolady. Naqty aıtqanda jańa salyq rejimine sáıkes, azamattar eger de patent alsa tabysynyń 2 paıyzyn, jeńildetilgen deklaratsııa alsa 3 paıyzyn, al jeke kásipkerler tabysynyń 10 paıyzyn, zańdy tulǵalar 20 paıyzyn salyq retinde tóleıtin bolady.
«Salyq tóleýshilerdiń salyq salýdyń jańa sharttaryna beıimdelýine múmkindik berý maqsatynda, sondaı-aq bazarlarda saýda jasaıtyndardyń jaılap kóshýine múmkindik berý maqsatynda Qarjy mınıstrligi 2012 jyldyń 1 shildesinen bastap bazarlarda saýda jasaıtyn tulǵalarǵa arnaıy salyq rejimderi patent, jeńildetilgen deklaratsııa nemese birrettik talondy tańdaýǵa múmkindik beredi», - dedi ol.
Osy oraıda B.Jámishev Mınıstrler kabınetindegi áriptesteri vedomstvonyń bastamasyn qoldaǵan jaǵdaıda atalǵan máseleni zańnamalyq turǵyda retteý boıynsha naqty sharalar qabyldaıtyndyǵyn basa aıtty.
