Bazarlarda aram ólgen maldyń eti joq - QR AShM

ASTANA. QazAqparat - Aram ólgen maldyń eti bazarlarda satylyp jatyr degen aqparat shyndyqqa janaspaıdy. Bul týraly Úkimette ótken baspasóz máslıhatynda QR Aýyl sharýashylyǵy vıtse-mınıstri Tóleýtaı Raqymbekov málim etti, dep habarlaıdy QazAqparat. 

«Bul aqparatqa senýge bolmaıdy. Sońǵy kezderi áleýmettik jelilerde túrli qaýesetter tarap jatyr, onyń ishinde densaýlyq saqtaý, bilim berý júıesine qatysty shyndyqqa janaspaıtyn aqparattar bar. Bazarlarda tıisti bizdiń veterınarlyq qyzmetter jumys isteýde. Sondyqtan olardyń ruqsatynsyz et satylmaıdy»,-dedi Raqymbekov.

Esterińizge sala keteıik, taıaýda áleýmettik jeliler men messendjerde sý tasqyny bolǵan aımaqtarda aram ólgen maldyń eti bazarlarda satylyp jatyr degen aqparat taraǵan bolatyn. Osy oraıda mal etin satyp alarda asa saqtyqpen tekserip alý týraly eskertýler aıtylǵan edi.