Bazarǵa bomba qoıdym degen rýdnyılyq ustaldy
QOSTANAI. qazAqparat – Rýdnyı qalasynda ortalyq bazarda jarylǵysh zat qoıylǵanyn aıtqan 34 jastaǵy er adam qamaýǵa alyndy, dep habarlaıdy QazAqparat.
Rýdnyı qalasy polıtsııa bóliminiń málimetinshe, oqıǵa búgin saǵat 14:00 shamasynda bolǵan. Polıtsııaǵa 50 let oktıabrıa kóshesindegi «Bak-Bak» bazaryna «bomba» qoıylǵany týraly anonımdi habarlama túsken.
«Tergeý amaldaryn júrgizý barysynda osy aqparat tekserildi. Jarylǵysh zat tabylǵan joq. Jedel-izdestirý is-sharalarynyń nátıjesinde, polıtsııa qyzmetkerleri jalǵan habar taratqan 34 jastaǵy er adamdy anyqtady», - delingen polıtsııanyń aqparatynda.
Atalǵan fakti boıynsha QR QK 273-baby «Terrorızm aktisi týraly kórineý jalǵan habarlaý» boıynsha sotqa deıingi tergeý bastaldy.
Qazir kúdikti ýaqytsha ustaý oqshaýlaǵyshyna qamaldy.
