Bazardaǵy jarylystan qaza tapqandar sany 50 adamǵa jetti
ASTANA. QazAqparat - Naqtylanǵan derekter boıynsha seısenbi kúni Nıgerııadaǵy bazarda oryn alǵan jarylys nátıjesinde 50 adam qaza tapty.
Borno shtatynyń ákimshilik ortalyǵy Maıdýgýrı qalasynda kólikke jasyrylǵan jarylǵysh zat iske qosylǵan, dep habarlaıdy ITAR-TASS.
Maıdýgýrı qalasy «Boko haram» lańkestik tobynyń tiregi sanalady. Jarylys kólik qorabyndaǵy aǵash kómiriniń astyna jasyrylǵan eken. «Boko haram» el úkimetine qarsy birneshe jyldan beri qarýly kúres júrgizýde. Sodyrlar áskermen, polıtsııamen baılanysty nysandarǵa shabýyldaıdy, beıbit halyqty qyrady. Sońǵy bir jarym aıda ıslamshylar qolynan 500-den astam adam qaza tapty.
