Bazarda ursysyp qalǵan eki satýshyǵa aıyppul salyndy
ASTANA. QazAqparat - Atbasar aýdandyq sotynda bazardyń eki satýshysyna qatysty ákimshilik is qaraldy, dep habarlaıdy QazAqparat tilshisi.
Eki áıel usaq buzaqylyq jasaǵany úshin aıyptaldy. Sot materıaldaryna sáıkes, bazar satýshylary qoǵamdyq orynda janjal shyǵaryp, bir-birin jamandap, bylapyt sóz aıtqan. Urys-keris saýda jasaý kezinde bastaldy.
«Sot sheshimine sáıkes, eki áıel usaq buzaqylyq jasaǵany úshin aıypty dep tanylyp, árbireýi aıyppul tóleýge mindetteldi», - delingen Atbasar aýdandyq sotynyń resmı habarlamasynda.
