Bazar jyraýdyń týǵanyna 170 jyl tolýy atap ótilip, eskertkish ornatylsa ıgi - depýtat B.Dosmanbetov
ASTANA. 27 qańtar. QazAqparat /Qanat Mámetqazyuly/ - Bazar jyraýdyń týǵanyna 170 jyl tolýy atap ótilip, eskertkish ornatylsa ıgi. Búgin QR Parlamenti Cenatynyń jalpy otyrysynda depýtat Baqbergen Dosmanbetov QR Mádenıet mınıstri Muhtar Qul-Muhammedtiń atyna joldaǵan depýtattyq saýalynda osy máseleni kóterdi.
«Elimizdiń rýhanı dúnıesinde shyǵarmalarymen erekshe oryn alatyn Syr súleıleriniń basynda Bazar jyraý Ońdasuly (1841-1911 jj.) turatyny anyq. Bazar jyraýdyń shyǵarmalary Syr óńirinen shyqqan aqyn-jyraýlardyń ishinen alǵashqylardyń biri bolyp Á. Dıvaev, S. Seıfýllın, M. Jumabaev, M. Áýezov, Á. Marǵulan, Á. Qońyratbaevtardyń nazaryn aýdarǵan. S. Seıfýllın: «Buqar jyraýdan keıingi qazaqtyń iri jyraýy - Bazar jyraý» - dese, M. Jumabaev: «Assa eldiń qamyn oılaǵan, qalsa óziniń oıyna tereń boılaǵan», - dep Bazar jyraýdyń aqyndyq qabiletin joǵary baǵalaǵan eken. Aǵymdaǵy 2011 jyly Bazar jyraýdyń týǵanyna 170, dúnıeden ozǵanyna 100 jyl tolady. Bazar jyraýdyń 150 jyldyǵy elimiz boıynsha kezinde atalyp ótilmeı, Ózbekstanda ǵana toılanǵanyn eskere otyryp, Bazar jyraýdyń týǵanyna 170 jyl tolýyna oraı Qyzylorda qalasynda eskertkish ornatýǵa, respýblıkalyq deńgeıde mádenı is-sharalardy ótkizýge yqpal etýińizdi suraımyz», - dedi depýtat.
Jalpy, Bazar jyraýdyń shyǵarmalary Keńestik kezeńde «Úsh ǵasyr jyrlaıdy», «Bes ǵasyr jyrlaıdy», «Jeti ǵasyr jyrlaıdy», «Aldaspan», «HVІІІ-HІH ǵasyrlardaǵy qazaq ádebıeti» jınaqtary men «Bazar jyraý shyǵarmalary» (A., «Jazýshy», 1986) kitabyna ense, egemendi el bolǵan tusta «Jámıǵy qazaq bir týǵan», «Nazbedeý» jınaqtary kúıinde jáne «Syrdarııa kitaphanasynyń» quramynda 1 tom bolyp jaryq kórdi.
