Bazar ıeleri saýdagerlerden aqsha jınaıdy: Almatylyqtar Dosaevqa shaǵymdandy
ALMATY. QazAqparat – Almaty qalasynyń ákimi Erbolat Dosaevqa Alataý aýdanynyń turǵyny «Kenjehan» bazary ıeleriniń ústinen shaǵymdandy, dep habarlaıdy QazAqparat tilshisi.
«Kenjehan» bazarynda jumys isteıtin turǵyn ákimge bazar ıeleriniń modernızatsııalaý úshin jalǵa alýshylardan aqsha jınaıtynyn aıtty.
«Bazar ákimshiligi bizden aqsha jınaıdy. Bazardy óz qarajattaryna salamyz degen bolatyn, alaıda aqshany halyqtan qysym, bopsalaý arqyly alyp jatyr. Kenjehan bazarynyń bopsalaýy qashan toqtaıdy. Qala basshysy retinde bizge nazar aýdarýyńyzdy suraımyz», - dedi almatylyq turǵyn.
Erbolat Dosaevtyń aıtýynsha, qalada 56 bazar bar, «Kenjehan» eń irileriniń biri. «Almaty bazarlarynyń damýy ákimdiktiń erekshe baqylaýynda.
«Kenjehan» osy jyldyń 1 qańtaryna deıin jańǵyrtý jumystaryn aıaqtaýy tıis edi. Biraq pandemııaǵa jáne basqa jaǵdaılarǵa qatysty aıaqtalmaı qaldy. Olar bazardy jańǵyrtýǵa qatysty sheshim qabyldap, qarajat jınaıtyndaryn aıtqan bolatyn. Ókinishke oraı, sharttyq qatynastar bar, adamdar qaǵazǵa ózderi qol qoıady», - dedi Erbolat Dosaev. Almaty prokýratýrasy qazir «Kenjehan» bazaryna qatysty keshendi tekserý júrgizilip jatqanyn atap ótti.
