«Bazar ákimshiligi álsiz be, álde saýdager surqııa ma?» - respýblıkalyq basylymdarǵa sholý
***
«Egemen Qazaqstan» gazetiniń jazýynsha, Semeıdegi Túıemoınaq aralynda Beıbitshilik murajaıy turǵyzylatyn boldy. Bul bastama oblys ákimi Berdibek Saparbaevtyń tapsyrmasymen qolǵa alynyp otyr. Sáýletshilerdiń aıtýlarynsha, bul bes qabatty ǵımarat shar tárizdes. Maǵynasy adamnyń aıaly alaqanynda turǵan názik kógildir jer sharyn túrli soǵys-apattardan saqtaý kerek degenge saıady. Nysannyń bıiktigi 36 metr, dıametri 24 metr. Shar úıdiń ishinde kórme zaldary, kınoteatr, májilis zaly ornalaspaq. Bul Semeıdegi japon men túrik fırmalary turǵyzǵan aspaly kópirden keıingi ádemi qurylystyń biri bolmaq.
«Aptap ystyqtan Qostanaı óńirindegi astyq alqaptary kúıip ketýdiń aldynda tur. Apta aıaǵyna qaraı oblys ákimi apparatynyń keńeıtilgen májilisinde oblystyq aýyl sharýashylyǵy basqarmasynyń bastyǵy Qanat Ǵabdýllın bıyl qýańshylyqtyń saldarynan egin shyǵymynyń óte tómendigin baıandap berdi», - dep jazady «Egemen Qazaqstan» gazeti «Aptap pen astyq» degen taqyryptaǵy maqalasynda. Basylymnyń atap ótýinshe, óńirde qysta qardyń az túsýi sebepti kóktem tym erte shyqty. Sáýir aıynda-aq topyraq qýań tarta bastady, sodan jazdyń ystyǵy men shildeniń aptabyna ulasty. Bul mezgilde jaýǵan jaýynnyń mólsheri 5 mıllımetrden asqan joq. Munyń topyraqqa sińip, ylǵal bolýǵa eshqandaı áseri bolmady. «Bıylǵy ystyq 2010 jylǵy qýańshylyqtan asyp tústi. Qazir astyq alqaptarynyń 18 paıyzy jaqsy ósip keledi, 68 paıyzy nashar, 34 paıyzy tipti kúıip ketken», - dep málimdegen Q.Ǵabdýllın.
***
AQSh-ta jemis-jıdekke jandy organızmniń DNQ-syn qosyp «sapaly» ónim shyǵarý baıaǵyda jolǵa qoıylǵan. Atap aıtqanda, kambala balyǵynyń DNQ-syn qosyp, qyzanaqtyń jańa sortyn oılap tapty. Kádimgi kúrishtiń tuqymyna adamnyń baýyrynan alynǵan DNQ-ny qosý arqyly ónimdi qurt jemeıtin etip shyǵardy. Kartop pen báısheshekti býdandastyrdy. Qysqasy, býdan ónimge zııandy jándikter jolamaıdy. Kórgen jerde tyraǵaılap qashady. Qazaqstanda ósiriletin bıdaıǵa mysyqtyń DNQ-sy qosylǵanynan kópshilik beıhabar. Bilgińiz kelse, qamba toly astyqqa tyshqan jiberip kórińiz, «mysyq-bıdaıdyń» mańyn baspaıdy. Tipti mundaı unnan jasalǵan nannyń ózin tyshqan tistemeıdi. Biz jeı beremiz... Bul jaıynda tolyǵyraq «Alash aınasy» gazetiniń búgingi sanyndaǵy «Halal býdan ónimge qarsy» degen taqyryptaǵy maqalasynda baıandalǵan.
«Pendeniń kúshi mıynda, teńgeniń kúshi tıynda» ekenin beske biletin búginginiń epti satýshylary saýdasyn óristetýdiń joly tıynnan teńge quraý men tarazydan jeý dep túsinetin sekildi. Bazarda elpildep «saýda jasaǵanyńyz úshin raqmetin» jaýdyryp turǵan saýdagerdiń tarazydan qaqqanyn úıge kelgen soń bir-aq bilesiz. Qaıta baryp daýlasýǵa moınyńyz jar bermeıdi. Qol siltep qoıa salasyz. Osylaısha bazarlarda kúndelikti qanshama adam tarazydan jelinip qaltasynan qaǵylyp jatady», - dep jazady «Alash aınasy» gazeti búgingi sanyndaǵy «Bazar ákimshiligi álsiz be, álde saýdager surqııa ma?» degen taqyryptaǵy maqalasynda. Tarazydan qaǵyp, tıynnan teńge quraǵysh búginginiń keıbir saýdagerleri qaı zańyńa da pysqyrmaıtyndaı. Al kisi aqysyn jeýge arlanatyndar bazarda sol baıymaǵan kúıi júr. Sonda kisi aqysyn jegenderdiń búıiri shyqqany qaısy?
***
«Aıqyn» gazetiniń jazýynsha, 9 myńdaı qazaqstandyqtyń qaryzy bar. Sondyqtan olarǵa shetelge shyǵýǵa ýaqytsha shekteý qoıylady. «Ádilet mınıstrliginiń saıtynda jrııalanyp turǵan tizimniń apta saıyn jańartylýy oń nátıjesin bergenge uqsaıdy. Qazaqstandyqtar, ásirese, demalysqa shyǵar aldynda óz qaryzyna aıryqsha yqylaspen qaraı bastaǵan kórinedi. Búgingi kúni «qara tizimde» 9 myńǵa jýyq esim tur», - dep jazady basylym «Qaryzy barlar shetelge shyǵa almaıdy» degen taqyryptaǵy maqalasynda.
***
«Ekspress K» gazetiniń jazýynsha, sottar arasyndaǵy jemqorlyqtyń eń joǵary deńgeıi Almaty men Tarazda anyqtalǵan. Al Óskemendik sottar para alýǵa kelgende barynsha tartynshaqtaıdy eken. Bul osy kóktemde elimizdiń 8 qalasynda júrgizilgen saýalnamanyń naqty nátıjesi. Tolyǵyraq basylymdaǵy «Shleıa pod mantııý popala» degen taqyryptan oqyp bile alasyzdar.
«Kazahstanskaıa pravda» gazetiniń jazýynsha, ıAkýtııada matematıka, ınformatıka, fızıka jáne hımııa pánderi boıynsha ótken «Týımaada-2012» HІH halyqaralyq mektep oqýshylar olıpıadasynda qazaqstandyq qurama jarqyn jeńiske jetken. Máselen, hımııadan Taraz qalasyndaǵy №1 gımnazııanyń 10 synyp oqýshysy Bogdan Zagrıbelnyı altyn, matematıkadan Jáýtikov atyndaǵy respýblıkalyq mamandandyrylǵan fızıka-matematıka mektebiniń oqýshylary Temirlan Seıilov pen Batyrhan Orynqul altyn men kúmis, al fızıkadan Almatydaǵy №165 mektep-lıtseıdiń 9 synyp oqýshysy Dınaı Sháripov altyn medal ıelengen.
