Bazalyq zeınetaqyny kepildendirilgen eń tómengi zeınetaqyǵa aýystyrý qarastyrylady - S. Ábdenov
ASTANA. 11 naýryz. QazAqparat - Elimizde bazalyq zeınetaqyny kepildendirilgen eń tómengi zeınetaqyǵa aýystyrý qarastyrylady. Búgin QR Parlamenti Májilisinde «Qazaqstan Respýblıkasyndaǵy zeınetaqymen qamsyzdandyrý týraly» jańa redaktsııadaǵy zań jobasyn tanystyrǵan Eńbek jáne halyqty áleýmettik qorǵaý mınıstri Serik Ábdenov osylaı málim etti.
Mınıstrdiń málimetine qaraǵanda, qazirgi tańda elimizde jumyspen qamtylǵan 8,5 mln. adamnyń 5,7 mln.-y jylyna eń quryǵanda 1 ret zeınetaqy salymdaryn jasaıdy. Al jylyna 12 ret, ıaǵnı aı saıyn zeınetaqy jarnalaryn júzege asyratyndar sany 3,7 mln. adamdy quraıdy. Sonyń ishinde ózin-ózi jumyspen qamtyǵan 2 mln. 700 myń adamnyń 932 myńy ǵana zeınetaqy jarnasyn tólep otyr. Bul negizinen resmı emes jumystyń taralýynan, sondaı-aq Jınaqtaýshy zeınetaqy júıesine tartýdyń álsizdiginen oryn alyp otyr. Eger biz bul problemany búgin sheshpesek, erteńgi kúni bul azamattar ózindik zeınetaqymen qamtylmaı qalady jáne halyq arasyndaǵy áleýmettik az qamtylǵandar tobyn arttyra túsedi. ıAǵnı, der kezinde qajetti sharalar qabyldanbasa, olardyń jınaqtaýshy zeınetaqy qorynda zeınetaqy jınaqtary bolmaıdy», - dedi S. Ábdenov.
Bul rette mınıstr ózin-ózi jumyspen qamtyǵan halyq pen jaldamaly jumysshylardy ashyq jumyspen qamtylýyn qalyptastyrý boıynsha keshendi sharalar josparlanatynyn, olardy eń tómengi zeınetaqymen kepildendirýdi kúsheıtý arqyly zeınetaqy jınaqtaý júıesine yntalandyrý kózdelgenin atap ótti. «Osy maqsatta bazalyq zeınetaqyny kepildendirilgen eń tómengi zeınetaqyǵa aýystyrý sharasy qarastyrylýda», - deıdi mınıstr S. Ábdenov.
