Bazalyq zeınetaqy laıyqty bolýy úshin eń tómengi kúnkóris mólsherin qaıta qaraý kerek - Q. Aıtahanov
ASTANA. QazAqparat - Keleshekte bazalyq zeınetaqy laıyqty taǵaıyndalýy úshin eń tómengi kúnkóris deńgeıiniń mólsherin qaıta qaraý kerek.
Búgin Senat otyrysynda «Qazaqstan Respýblıkasynyń keıbir zańnamalyq aktilerine zeınetaqymen qamsyzdandyrý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda depýtat Qýanysh Aıtahanov osylaı málimdedi.
Senatordyń sózine qaraǵanda, zań jobasyndaǵy basty jańalyqtyń biri - bazalyq zeınetaqy tólemderin azamattardyń zeınetaqy júıesine qatysý ótiline baılanysty taǵaıyndaý. Depýtattyń pikirinshe, bul shara eńbek ótili jetkilikti bolsa da, búginge deıin tómen mólsherde zeınetaqy alyp kelgen zeınetkerler úshin zeınetaqy tólemderiniń mólsherin arttyrýǵa múmkindik beredi. Al qaıta esepteý nátıjesinde qazirgi zeınetkerlerdiń 75 paıyzynyń bazalyq zeınetaqy mólsheri eki esege deıin ósedi.
Osyǵan baılanysty, senator zań jobasy boıynsha bazalyq zeınetaqynyń kólemi eń tómengi kúnkóris deńgeıine tikeleı baılanysty bolyp tabylatynyn atap ótti. ıAǵnı, bazalyq zeınetaqy azamattardyń zeınetaqy júıesine qatysý ótili 10 jyl jáne odan kem bolsa, eń tómengi kúnkóris deńgeıiniń 50 paıyz mólsherine belgilenedi. On jyldan asqannan keıin ár jylda mólsheri eki paıyzǵa ulǵaıady jáne ótili 35 jylǵa tolsa, eń tómengi kúnkóris deńgeıine teń bolady.
«ıAǵnı, bazalyq zeınetaqy kólemin keleshekte kóterýdiń birden-bir joly eń tómengi kúnkóris deńgeıin kóterý bolyp tabylady. Sondyqtan da bizge eń tómengi kúnkóris deńgeıin kóterýdiń joldaryn oılastyrý kerek. Búgingi qoldanystaǵy eń tómengi kúnkóris deńgeıi osydan on shaqty jyl buryn qabyldanǵan. Sodan beri elimizdiń ekonomıkasy damý ústinde, jalpy ishki ónim kólemi jan basyna shaqqanda 13-14 myń dollarǵa deıin jetti. Alaıda eń tómengi kúnkóris deńgeıi 21 364 teńge nemese nebári 115 dollar ǵana. Bul kórsetkish Reseıde - 254 dollar, Belarýsta - 144 dollar. Elimizde azyq-túlik ónimderi baǵasynyń, jaryq, jylý tarıfteriniń jyl saıyn ósip otyrǵanyn eskersek, bul makroekonomıkalyq kórsetkishti esepteýde kemshilikterdiń bar ekeni aıqyn. Bul bizdiń azamattarymyzdyń turmys deńgeıin naqty kórsetpeıdi. Halyqaralyq standarttarǵa sáıkes, tómengi kúnkóris deńgeıi árbir bes jylda qaralyp otyrýy tıis»,- dedi Q. Aıtahanov.
Eske sala keteıik, atalǵan zań jobasy Senattyń jalpy otyrysynda birinshi oqylymda maquldandy.
