Bazalyq oqýlyqtar óńirler arasynda bilim sapasyn teńestiredi - E. Saǵadıev
ASTANA. QazAqparat - Bazalyq oqýlyqtar óńirler arasynda bilim sapasyn teńestiredi. Bul týraly búgin Astanada Qazaqstan bilim salasy qyzmetkerleriniń Respýblıkalyq tamyz keńesinde QR Bilim jáne ǵylym mınıstri Erlan Saǵadıev málim etti.
«Birinshi synyp oqýlyǵy qazirgi kezde daıar. Men ony ózim baryp, qarap keldim. Tolyqtaı baspadan shyqty. Búginde oqýlyqtardy mektepterge jetkizý aıaqtalýda. Jalpy bazalyq oqýlyqtar biz úshin kóptegen máselelerdi sheshedi. Bul rette óńirler arasynda bilim berý sapasyn teńestirýdi qamtylyp otyr», - dep toqtaldy mınıstr.
Sonymen qatar ol oqýlyq mazmunyn jaqsartýǵa erekshe mán berilip otyrǵanyna aıta kele, baspagerlerge bazalyq oqýlyqtardy avtorlardan muǵalimderge kómek retinde beınejazbamen tolyqtyryp otyrýdy bastaý týraly usynys jasalǵanyn jetkizdi.
E. Saǵadıevtiń aıtýynsha, bilim berý úderisinde dástúrli quraldarǵa tıimdi qosymsha retinde beıne materıaldar men ınteraktıvti sabaqtar bolady. Bul óz kezeginde bilim berý úderisin kórnekti etedi.
