Bazalyq mólsherlemeni qazirgideı ustap turý ınflıatsııany turaqtandyrady - UB

ASTANA. QazAqparat – Birinshi jartyjyldyqta bazalyq mólsherlemeni qazirgi deńgeıde ustap turý qajet. Ulttyq bank tóraǵasy Ǵalymjan Pirmatov osyndaı pikir bildirdi, dep habarlaıdy QazAqparat tilshisi.

«El ishindegi proınflıatsııalyq faktorlar turǵyn-úı kommýnaldyq sharýashylyǵynyń retteletin qyzmetterine tarıfter men janar-jaǵarmaı naryǵyndaǵy ýaqyty kelgen reformalarǵa baılanysty. Osy reformalardy iske asyrý áseri taýarlar men qyzmetterdiń keń aýqymyna baǵanyń ósýin jedeldetýi múmkin. Bul faktorlar bazalyq stsenarııdiń alǵysharttarynda kórsetilmegenin atap ótemin», - dedi ol.

Aıtýynsha, bul boljamdar áli de ózgerýi múmkin.

«Ulttyq bank aǵymdaǵy jaǵdaılardy eskere otyryp, 2023 jylǵy birinshi jartyjyldyqta bazalyq mólsherlemeni aǵymdaǵy deńgeıde ustap turý qajet dep sanaıdy. Bul ınflıatsııany turaqtandyrý jáne ony orta merzimdi perspektıvada birtindep tómendetý úshin qajet», - dedi Ulttyq bank basshysy.

Aıta keteıik, Ulttyq banktiń aqsha-kredıt saıasaty komıteti bazalyq mólsherlemeni 16,75% deńgeıinde qaldyrý týraly sheshim qabyldady.