Bazalyq mólsherlemeni 0.25% ǵa tómendetýdiń ekonomıkaǵa yqpaly qandaı bolady - sarapshy pikiri
ALMATY. QazAqparat - Ekonomıst Rasýl Rysmambetov Ulttyq banktiń bazalyq mólsherlemeni 0,25-% ǵa tómendetý týraly sheshiminiń eldegi nesıe naryǵyna qalaı áser etetinin QazAqparat tilshisine aıtyp berdi.
«Menińshe bazalyq mólsherlemeni 0,25 % ǵa tómendetý bankterdiń nesıe berýine eleýli áser ete qoımaıdy. ıAǵnı, bankterdiń osyndaı naryqtyq ahýalda nesıe berýge qushtarlyǵyn arttyra qoımaıdy. Bankter tek ekonomıkalyq turaqtylyq pen paıda bolǵan jaǵdaıda ǵana nesıe bere bastaıdy. Qazirgi tańda eń tabysty salalarda memlekettik nesıe uıymdary otyr. Olar bıýdjettiń qarjysyna arqa súıep, bankterdiń tynysyn taryltyp otyr. Bankter nelikten qarsy shyqpaı otyr? Sebebi, paıyzdyq mólsherlemege memleket demeýqarjy berip otyr. Bul qysqa merzimde ótemaqy retinde demeý bolǵanmen, uzaq merzimde básekege qabiletti kompanııalardyń joǵalyp ketýi múmkin. Bazalyq mólsherlemeniń tómendeýi - onyń ınflıatsııa men bankterdiń nesıelik qyzmetine yqpalyn bajaılaý úshin jasalyp otyrǵan áreketi», - dedi Rasýl Rysmambetov.
Aıta ketý kerek, búgin QR Ulttyq banki bazalyq kórsetkishti 10,5% -dan 10,25 % ǵa tómendetti.
