Bazalyq mólsherlemege qatysty sheshim 26 mamyrda jarııalanady

ASTANA. QazAqparat – Bazalyq mólsherlemege qatysty kezekti sheshim 26 mamyrda jarııalanady. Bul týraly Ulttyq bank tóraǵasy tóraǵasy Ǵalymjan Pirmatov aıtty, dep habarlaıdy QazAqparat tilshisi.

«Ulttyq banktiń basty mindeti – baǵa turaqtylyǵyn qamtamasyz etý. Ol úshin biz ınflıatsııany odan ári tómendetýge jáne orta merzimde nysanaly baǵdarlarǵa qol jetkizýge yqpal etetin dezınflıatsııalyq aqsha-kredıt saıasatyn júrgizýdi jalǵastyramyz. Bazalyq mólsherleme boıynsha kelesi sheshim kezekti boljamdy raýndtyń qorytyndysyna saı belgilenedi jáne 2023 jyly 26 mamyrda Astana qalasynyń ýaqyty boıynsha saǵat 12:00-de jarııalanady», - dedi Ǵalymjan Pirmatov.

Búgin Ǵalymjan Pirmatov bazalyq mólsherlemeni 16,75 paıyz deńgeıinde saqtaý sebebin túsindirgen bolatyn.