Bazalyq mólsherleme tómendegende teńgeniń taǵdyry qandaı bolady
ALMATY. QazAqparat - Ulttyq Bank bazalyq mólsherlemeni 11%-dan 10,5%-ǵa deıin tómendetý týraly sheshim qabyldady. Endi ekinshi deńgeıli bankterge beriletin qaryz arzan paıyzben taratylady. Naryqta arzan aqsha paıda bolýy nesıege degen suranysty arttyrary sózsiz. Al, ıpoteka naryǵynda paıyzdyq mólsherleme tómendeı me? QazAqparat tilshisi mundaı qadamnyń teńgeniń taǵdyryna qalaı yqpal etetinin jergilikti jáne sheteldik sarapshylardan surap bildi.
Qazaqstandyq sarapshy, «Resmi» kompanııalar toby dırektorlar keńesiniń tóraǵasy Qaırat Majıbaev atalǵan praım-reıt qarjy naryǵynda erekshe tolqý týǵyzbaıdy dep otyr. Alaıda qysqa merzimde teńgeniń álsireýine ákelýi ábden múmkin. Óıtkeni, alypsatarlar naryqta teńgeniń álsireýine qaraı oınaıdy. «Ádette bazalyq stavkany tómendetý Ortalyq bankterdiń múmkindikteriniń jaqsarýynyń saldary bolyp keledi. Óıtkeni, odan keıin mindetti túrde naryqtaǵy iskerlik tutynýshylyq belsendilik jandana túsedi. ıAǵnı, Ulttyq bank kommertsııalyq bankterge nesıeni az paıyzben bere bastaıdy. Bul óz kezeginde kásipkerlik belsendilikti arttyra ma joq pa ol másele Ulttyq banktiń mejelegen josparyna baılanysty. Eger, qarjylyq retteýshi bazalyq stavkany odan ary da 5 paıyzǵa deıin tómendetetin bolsa, onda bul sóz joq eldegi saýda men ınvestıtsııalyq belsendilikti arttyrady. Ázirge birdeńe dep aıtý qıyn. Naryqqa arzan aqshany laqtyrý, teńgeniń álsireýine ákeleri sózsiz. Ulttyq valıýta alypsatarlardyń shabýylyna tap bolýy yqtımal», - dedi Q.Majıbaev.
Al bank salasynyń mamandary bazalyq stavkany azaıtýdyń teńge baǵamyna áseri bolmaıdy dep sanaıdy.
«Bazalyq stavkany tómendetý teńge baǵamyna onshalyq áser ete qoımaıdy. Bazalyq stavka ekinshi deńgeıli bankterdegi jeke tulǵalardyń depozıtter men nesıelerin qarjylandyrý qunyna yqpal etedi. Teńge baǵamy kóbine munaı men shıkizat qunyna tikeleı baılanysty bolmaq. Aıta ketý kerek, sońǵy ýaqytta teńge baǵamy erkin jiberilgeli beri turaqtalyp keledi.
Al, ıpotekalyq nesıe naryǵyna kelsek, bul naryqqa áleýmettik, ekonomıkalyq, qarjylyq faktorlar áser etedi. Erkin ótimdilik bolǵany eshqashan artyq etpeıdi. Statıstıkalyq derekterge súıensek, 2016 jyldyń naýryzynda bazalyq stavka 17%-dan 13%-ǵa azaıǵanda, naryqta aıtarlyqtaı ózgeris bolǵan joq», - dedi «Turǵyn úı qurylys jınaq banki» AQ basqarma tóraǵasynyń orynbasary Janar Jubanııazova.
Eýropalyq sarapshylar kerisinshe, teńge qymbattap, dollar álsireýi múmkin dep sanaıdy. «Teńge qymbattaýy múmkin. Óıtkeni damyp kele jatqan naryqtarda saýda men mámileler dollardyń álsireýine baılanysty qyzyq bolyp otyr. Bul álemdik ótimdiliktiń basty faktory. Stavkalardy azaıtý ekonomıkany jandandyrýdyń bir tásili», - dedi Saxo Bank ınvestıtsııalyq bankiniń bas valıýtalyq strategi Djon Hardı.
Aıta ketý kerek, Qazaqstanda bazalyq stavka 10,5 protsentke deıin tómendedi. Ulttyq Bank bazalyq mólsherlemeni sımmetrııaly +/-1% paıyzdyq mólsherleme dálizimen 11%-dan 10,5%-ǵa deıin tómendetý týraly sheshim qabyldady.
