Bazalyq mólsherleme boıynsha sheshim 24 aqpanda jarııalanady

ASTANA. QazAqparat – Bazalyq mólsherleme boıynsha kezekti sheshim 24 aqpanda jarııalanady. Bul týraly QR Ulttyq bank tóraǵasy Ǵalymjan aıtty, dep habarlaıdy QazAqparat tilshisi.

«Ulttyq bank ınflıatsııalyq targetteý saıasatyn ustanýdy jalǵastyrady. Bıyl ınflıatsııalyq qysymnyń tómendeýin kútemiz. Buǵan 2022 jyly bazalyq mólsherlemeni kóterýdiń oń áseri yqpal etetin bolady. Bizdiń 2023 jylǵy negizgi mindetimiz – ınflıatsııany turaqty túrde tómendetý, orta merzimdi perspektıvada nysanaly baǵdar deńgeıine qaıtarý»,- dedi UB tóraǵasy BAQ ókilderine arnalǵan brıfıngte.

Onyń atap ótýinshe, bazalyq mólsherleme jónindegi kelesi sheshim boljamdyq raýnd nátıjesinde qabyldanady.

«Boljamdy raýnd kezinde biz boljamdar men baǵalaýlarymyzdy jańartamyz. Bazalyq mólsherleme boıynsha kezekti sheshim 2023 jylǵy 24 aqpanda Astana qalasynyń ýaqytymen saǵat 12:00-de jarııalanady», - dedi Ǵalymjan Pirmatov.

Eske salsaq, ótken jyldyń sońynda Ulttyq bank bazalyq mólsherlemeniń deńgeıin kóterip 16,75% dep belgilegen bolatyn.