Bazalyq mólsherleme 15% deńgeıinde saqtalady - QR UB
ASTANA. QazAqparat - QR Ulttyq Banki +/-1% bolatyn dálizben bazalyq mólsherlemeni 15% deńgeıinde saqtaý týraly sheshim qabyldady, dep habarlaıdy QR UB baspasóz qyzmeti.
Halyqtyń shetel valıýtasyn satyp alýdan góri ony satý kóleminiń asyp ketýi turaqty túrde saqtalyp otyr.
«Bazalyq mólsherleme 15%-ǵa deıin tómendegennen keıin jáne 2016 jylǵy 6 mamyrda paıyzdyq dáliz tarylǵannan keıin aqsha-kredıt talaptarynyń azdap jumsarǵany baıqalady. Aqsha naryǵyndaǵy mólsherlemeler bazalyq mólsherleme dáliziniń tómengi sheginde. Valıýtalyq depozıtterdi teńgelik depozıtterge únemi aınaldyrý esebinen, sondaı-aq fıskaldyq faktorlardyń esebinen bolyp jatqan ótimdiliktiń qurylymdyq profıtsıtiniń ulǵaıýy baıqalady», delingen habarlamada.
Valıýtalyq jáne aqsha naryqtarynyń jaı-kúıine, sondaı-aq ınflıatsııalyq kútýlerdiń qalyptasýyna áser etýi múmkin syrtqy jáne ishki táýekelder saqtalýda. Bazalyq mólsherleme tómendetilgennen keıin valıýtalyq táýekelderdi hedjırleý quny is júzinde ósken joq jáne aqsha naryǵy mólsherlemelerinen tómen deńgeıde qalýda.
Bazalyq mólsherleme boıynsha kelesi sheshim 2016 jylǵy 11 shildede Astana ýaqytymen saǵat 17.00-de jarııalanatyn bolady.
