Bazalyq mólsherleme maksımaldy túrde qansha bolýy múmkin — Súleımenov jaýaby

ASTANA. KAZINFORM — Ulttyq bank bazalyq mólsherlemeni arttyrý úshin qatań shek belgilemeıdi. Bul týraly Ulttyq bank tóraǵasy Tımýr Súleımenov aıtty.

Onyń aıtýynsha, Ulttyq bank bazalyq mólsherlemen túrli deńgeıde óziniń ótimdiligin qanshalyqty saqtaıtyndyǵyna únemi saraptama júrgizip otyrady. 

— Qazirgi deńgeı ol bizde bolǵan eń joǵary mólsherleme sııaqty. Menińshe, ol maksımýmǵa jaqyn, — dedi ol Ulttyq bankte ótken brıfıngte BAQ ókilderiniń saýalyna oraı.

Tımýr Súleımenovtiń aıtýynsha, qazirgi 18 paıyzdyq mólsherleme makroekonomıkalyq, mıkroekonomıkalyq, naryqtyq, irgeli jáne aldaǵy jartyjyldyqqa Ulttyq bank boljaıtyn ózge de parametrlerge saı keledi.

— Buǵan qosa, ásirese syrtqy ortadaǵy syn-tegeýrinderdi eskerer bolsaq, ekonomıkaǵa tosyn oqıǵalar, kútpegen jaıttar alyp kelýi múmkin, — dedi UB tóraǵasy.

Aıta keteıik, búgin Ulttyq banktiń Aqsha-kredıt saıasaty komıteti bazalyq mólsherlemeni +/- 1 p. t. dálizimen jyldyq 18% deńgeıinde belgileý týraly sheshim qabyldady.