Bazalyq mólsherleme áli de kóterilýi múmkin – Ulttyq bank
ASTANA. KAZINFORM — Ulttyq bank tóraǵasy Tımýr Súleımenov bazalyq mólsherleme áli de kóterilýi múmkin ekenin aıtady.

Inflıatsııa boljamy ósip turǵanyn aıttyńyz. Sony eskersek, bazalyq mólsherleme taǵy da kóterilýi múmkin be, — dep surady BAQ ókili.
Tımýr Súleımenov bul ámbden múmkin ekenin aıtty.
— Múmkin. Ókinishke qaraı, bazalyq mólsherlemege ınflıatsııaǵa baılanysty. Sondyqtan ınflıatsııa ósken saıyn bizge de bazalyq mólsherlemeni kóterýge týra keledi. Ony túsiný kerek. Sondyqtan búgin biz qabyldaǵan sheshim sondaı tendentsııanyń aldyn alý múmkindigin arttyrady. Keleshekte bazalyq mólsherlemeni kúrt ósirmeý úshin qazir kóterý kerek dep sheshtik, — dedi ol.
Búgin ulttyq bank bazalyq mólsherlemeni kótergen bolatyn.
Aıta ketelik Ulttyq bank tóraǵasy Tımýr Súleımenov Úkimettiń qosylǵan qun salyǵyn kóterý bastamasyn qoldaıtynyn aıtqan edi.