Baızaqtaǵy jarylystan qaza tapqan órt sóndirýshilerge eskertkish qoıyldy
TARAZ. QazAqparat – Tarazda №1 mamandandyrylǵan órt sóndirý bóliminiń aýmaǵynda byltyr Baızaq aýdanynda bolǵan tótenshe jaǵdaı kezinde qyzmettik mindetin atqarý barysynda qaza tapqan jaýyngerlerge arnalǵan memorıal saltanatty túrde ashyldy, dep habarlaıdy QazAqparat tilshisi.
Eske sala ketsek, byltyr 26 tamyz kúni Jambyl oblysynyń Baızaq aýdanynda oq-dári qoımasynan órt shyǵyp, artynan jarylǵan bolatyn.
Oqıǵa saldarynan barlyǵy 17 adam qaza tapty.
Onyń arasynda ishki ister organynyń qyzmetkerleri, áskerıler men tótenshe jaǵdaılar qyzmetiniń ókilderi, áskerı prokýror bar.
Osy 17 adamnyń ishinde 10 qutqarýshy áskerı qoımadaǵy órtti sóndirip júrip kóz jumǵan.
Mamandandyrylǵan órt sóndirý bóliminiń aýmaǵyna ornatylǵan memorıalǵa Jambyl oblysy azamattyq qorǵaý organdary 14 qyzmetkeriniń esimi jazyldy.
Batyrlarǵa arnalǵan memorıaldyń saltanatty ashylý rásimine Jambyl oblysy ákiminiń orynbasary Talǵat Mamaev, Jambyl oblysy TJD garnızonynyń basshylyǵy men jeke quramy, azamattyq qorǵaý organdarynyń ardagerleri, jas qutqarýshylar, qaza tapqan qyzmetkerlerdiń týystary men jaqyndary qatysty.
