Baıyrǵy entsıklopedııa endi kitap túrinde basylyp shyqpaıtyn boldy
ASTANA. 22 naýryz. QazAqparat - Aǵylshyn tilinde shyǵatyn ejelgi «Brıtannıka» entsıklopedııasy budan bylaı kitap túrinde shyǵarylmaıtyn boldy, dep habarlady Bı-Bı-Sı-diń Orys qyzmeti.
Álemdegi eń tanymal entsıklopedııalyq basylymnyń baspagerleri endi qalǵan 4 myń jınaq kitap satylyp bolǵannan keıin onyń elektrondyq túrde shyǵarylatynyn málimdedi.
Onyń alǵashqy basylymdary úsh tom bolyp 1768-1771 jyldary shyqqan bolatyn. Onyń negizin shotlandtyq aǵartýshy Endrıý Bell men kitap saýdageri jáne baspashy Kolın Makfarkar qalaǵan.
Búginge deıin 15 basylym shyqty. Besinshi basylymda 32 tom, 120 myń maqala men 44 mln-ǵa jýyq sóz ornalastyrylǵan. Onyń avtorlarynyń arasynda álemdik jetekshi sarapshylar, ondaǵan Nobel syılyǵynyń laýreattary bar. Ár kezeńde oǵan Zıgmýnd Freıd, Albert Eınshteın, Marııa Kıýrı, Genrı Ford, Lev Trotskıı sııaqty belgili tulǵalar maqala jazǵan. «Brıtannıkanyń» qazirgi nusqasyna 4 myńǵa jýyq avtorlar men redaktorlar qatysýda.
