«Báıterektiń» mańaıyna mal jaıǵan qostanaılyq jazalandy
QOSTANAI. QazAqparat - Lısakov qalasynyń ortalyǵynda mal jaıǵan turǵynǵa aıyppul salyndy, dep habarlaıdy QazAqparat jergilikti «Aktsent» telearnasynyń saıtyna silteme jasap.
Lısakov qalasynyń turǵyndary qala ortalyǵynda jaıylyp júrgen maldardy sýretke túsirip, áleýmettik jeliler arqyly taratqan.
«Bir otar qoı men tabyn sıyr ortalyqtaǵy «Báıterek» monýmentiniń qasynda jaıylyp júrdi. Qala turǵyndary, ásirese, balalar nysannyń aınalasyndaǵy maldardy kórip tańǵaldy», - dep jazdy «Aktsent» telearnasynyń saıty.
Tártip saqshylary mal ıesin taýyp, ony jazaǵa tartty. Endi ol 20 AEK (48100 teńge) aıyppul tóleıdi. Aıta keteıik, monýmentke zaqym kelgen joq.
