«Báıterekti» basyna qondyrǵan boıjetken men «Qazaqstandy» táj qylyp kıgen «hanshaıym» jurtty tańǵaldyrdy (FOTO)
ASTANA. QazAqparat - Qazaqstandyq arýlar selfıdiń jańa túrin oılap tapty. Sýretke túsýdiń jańa túriniń qasynda belfı de, basqasy da básekeles bola almaı qylǵan syńaıly. Sebebi áleýmettik jelide arýlardyń bul sýretterine qyzyǵýshylyq tanytqan jurt kóp.
Oqıǵa bylaı bastaldy. Áýeli óziniń Feısbýktegi paraqshasyna belgili bloger Aleksandr Tsoı «basyna «Báıterekti» qondyrǵan» boıjetkenniń sýretin jarııalap, oǵan: «Eger siz Astanada bola turyp, osyndaı sýretke túspegen bolsańyz, ýaqytymdy beker ótkizdim dep sanańyz», - degen pikir jazdy.
Araǵa bir kún salyp ońtústik astanamyzdyń Dınara Sábıtova esimdi arýy áıgili «Qazaqstan» qonaq úıin «táj qylyp kıgen» sýretimen bólisti. Aleksanr Tsoı bul sýretti de nazardan tys qaldyrmaı: «Degenmen, bizdiń qyzdar óte tapqyr. Keshe ǵana astanalyq boıjetkenniń sýretin jarııalaǵan edim, búgin Dinara Sabitova óziniń «Qazaqstan» qonaqúıiniń aldynda túsken myna sýretin joldapty. Bir qyzyǵy, bul qonaqúıdi salǵandardyń qatarynda onyń atasy da bar eken. Endi sizder eki astanada da qalaı sýretke túsý kerektigin bilgen shyǵarsyzdar?» - degen pikir jazyp, paraqshasyna saldy.
Dınara Sábıtova bolsa bul jańalyqqa Feısbýktegi paraqshasynda mynandaı pikir bildiripti: «Mynaý bir shaǵyn ıronııa. Meniń sýretimmen ózim bala kezimnen jaqtyrmaıtyn Aleksand Tsoı (Sasha, aıyp etpeńiz) bólisipti. Onyń «Dınara» degen áni úıde de, kóshede de, mektepte de qyr sońymnan qalmaıtyn».
Qazir áleýmettik jelilerde, ásirese Instagram-da, osyndaı sýretter qaptap ketti.
