«Báıterekke» qurmetsizdik tanytqan astanalyq qamaýǵa alyndy
ASTANA. KAZINFORM — «Zań men tártip» qaǵıdaty aıasynda áleýmettik jelilerge júrgizilgen monıtorıng barysynda qala monýmentine qurmetsizdik tanytylǵan jarııalanym anyqtaldy, dep habarlaıdy Astana qalasy polıtsııa departamentiniń baspasóz qyzmeti.
Vedomstvo dereginshe, eskertkish aıasynda ádepsiz sıpattaǵy fotosýret ornalastyrylǵan.
— Atalǵan fakti boıynsha polıtsııa qyzmetkerleri 19 jastaǵy elorda turǵynyn anyqtap, polıtsııa bólimine jetkizdi. Quqyq buzýshy usaq buzaqylyq jasaǵany úshin jaýaptylyqqa tartylyp, materıaldar sheshim qabyldaý úshin sotqa joldandy. Ol ýaqytsha ustaý bólmesine qamaldy, — delingen habarlamada.
Elorda polıtsııasy mundaı áreketterdiń jol berýge bolmaıtynyn, qoǵamdyq normalardy qorlaıtynyn jáne qalanyń mádenı ári mańyzdy nysandaryna ashyq túrde qurmetsizdik bildiretinin atap ótedi. Qoǵamdyq tártipti buzǵany úshin zańnamada jaýapkershilik qarastyrylǵan.
Osyǵan deıin Astanada toptasqan jastar bir jasóspirimdi soqqyǵa jyqqanyn jazǵanbyz.
