«Báıterek» jobasy Reseıden góri Qazaqstan úshin asa mańyzdy - T. Musabaev
qpannyń 23-i. QazAqparat /Qanat Mámetqazyuly/ - «Báıterek» jobasy Reseıden góri Qazaqstan úshin asa mańyzdy. Búgin QR Parlamenti Májilisinde «Qazaqstan Respýblıkasy men Reseı Federatsııasy arasynda «Baıqońyr» keshenin tıimdi paıdalaný jónindegi yntymaqtastyqty damytý týraly kelisimdi ratıfıkatsııalaý týraly» zań jobasyn talqylaý barysynda QR Ulttyq ǵarysh agenttiginiń tóraǵasy Talǵat Musabaev osylaı málim etti,
dep habarlaıdy QazAqparat.
«Búgingi kúni «Baıqońyr» ǵarysh aılaǵynda ekologııalyq qaýipsiz «Báıterek» kesheni salynyp jatqany belgili. Bul Reseıden góri Qazaqstanǵa asa qajetti keshen. Óıtkeni, Qazaqstan ázirshe eshqandaı da ǵaryshtyq derjava emes. Árıne, bul salada sonshalyqty túsinikteri bolmasa da búgingi BAQ osylaı jazyp júr. ıAǵnı, ǵarysh keńistiginde spýtnıgimiz bola tura, Qazaqstan ǵaryshtyq derjava bola almaıdy. Al ǵaryshtyq derjava dep - óziniń jeke ushyrý quraldary bolatyn jáne óziniń jeke ǵaryshtyq baǵdarlamalaryn júzege asyra alatyn memleketter atalady. Al Qazaqstanda kásibı Ulttyq ǵarysh agenttigi qurylǵan 2007 jylǵa deıin bul salaǵa qatysty eshqandaı da qadamdar jasalǵan joq. Osy Agenttik úlken jobalardy qolǵa aldy. Bundaı jobalardyń aýqymdysy geptıldi zymyrandardy jańa, ekologııalyq qaýipsiz zymyran tasyǵyshqa almastyrý bolyp tabylady», dedi QR Ulttyq ǵarysh agenttiginiń tóraǵasy Talǵat Musabaev.
Onyń aıtýynsha, «Báıterek» jobasyn júzege asyrý Májiliste talqylanyp otyrǵan kelisimniń qabyldanýyna tikeleı baılanysty bolyp otyr.
